It geheim fan'e Kânselier foar Freonen fan Tryater
Ofrûne tiisdei 31 jannewaris en woansdei 1 febrewaris wie It geheim fan'e Kânselier te sjen yn it Tryatergebou spesjaal foar de Freonen fan Tryater. Mei in sjittinte, de Kop fan Jut, sûkerspinnen en popcorn koene de Freonen foarôf yn de sfear komme fan de foarstelling. Fierder wie der waarm iten en koe der neipraat wurde mei Skiep, Keimpe, Bline Arend en de Kânselier. Sjoch ûnder it kopke 'Freonen' foar foto's.

Lespakket by It geheim fan'e Kânselier
It geheim fan ‘e kânselier is net allinne foar folwoeksenen! Mear as 4000 bern út de groepen 7 & 8 fan 121 basisskoallen yn Fryslân sille de kommende wiken nei de foarstelling ta! Nije wike krije de earste basisskoallen in lespakket. Yn de lesdoaze sit ûnder oaren in lesbrief foar dosinten, in boekje foar learlingen mei leuke opdrachten, in echte ‘Plysje Buorman’ pet (wa past ‘m net?) en in poster. Mei it lespakket kinne de juffen en masters de bern tariede op de foarstelling.

Juster is it earste eksimplaar fan Foarstellings-cd mei ferskes út It geheim fan ‘e Kânselier útrikt Janneke Brakels
Juster is it earste eksimplaar fan de foarstellings-cd fan Piter Wilkens mei ferskes út It geheim fan ‘e Kânselier útrikt oan it jonge sangtalint Janneke Brakels nei de foarstelling by Tryater.

TOMKE SIKET OM 'E KLUTS (3+)

Tomke en syn hûntsje Romke sille útfanhûzje by Pake en Beppe Bear. Dy wenje op ‘e romte, op in moaie pleats. Se hâlde hinnen, wat skiep en in hynder. Beppe liket hjoed sels wat fan 't hynder. As se in cake bakke wol, en se tsjin Tomke seit dat de aaien fuortrûn binne, seit Pake dat Beppe de lêste tiid de kluts kwyt is.

DE PRESIDINTES

HAT WEST (okt, nov, des 2011)

Yn de wenkeuken fan in trochsnee hûs, yn in trochsnee doarp, sitte trije trochsnee froulju by mekoar. Se prate oer it libben, oer harren noeden en soargen en oer eangst en lilkens. It gelok wurdt harren net sa mar gund. Erna libbet fan de AOW en hat soargen oer har soan en it neiteam dat mar net komme wol. Greta hat lykwols in pensjoentsje, mar kin it net goed fine sûnt har dochter út har libben fuortrûn is. En Marytsje... ach, sy is tefreden mei har wurk as toiletjuffer. As it húske ferstoppe is, dan libbet se op en pakt se de boel mei beide hannen oan.

IT GEHEIM FAN 'E KâNSELIER

Famyljefoarstelling foar elkenien fan 8 jier en âlder!

Yn It geheim fan de Kânselier wurdst meiskuord yn de wrâld fan sjittinten, messegoaiers, meunsterhûnen, kokhalzjende skiep, ûntploffende kanonnen, hookstrooks opdûkende plysjemannen, en in mem en in soan.. .en in famke...en in heit (mar dy is der net).

Special guest! Piter Wilkens as Bline Arend, de sjongende cowboy.